O venres 7 de abril visitou a nosa biblioteca Sabela Fernández Trelles para facer o contacontos dun dos seus libros: Augusta e os seus medos. O alumnado de primeiro, segundo e terceiro de primaria gozou da historia e da simpatía da autora.
Moitas grazas por compartir con nós un anaquiño do teu tempo.
A protagonista da historia é Augusta, unha nena chea de soños pero tan medorenta que non consegue que ningún se lle cumpra. Ten medo a voar, medo a que se rían dela, medo a probar cousas novas, ...
Un día, cansa de sentirse así, pídelles axuda aos seus pais. A partir dese momento, terá que pasar distintas probas para decatarse de que a única forma de superar os medos é enfrentándose a eles.
Quen non tivo algunha vez medo a algo?
Ademais, recibimos unha visita moi especial: Loli.
